Kurtze vnd aigentliche Beschreibung des zu Regenspurg in disem 94. Jar gehaltenen Reichstag. Sambt einuerleibten Kay: Hofstadts vn[d] Corrigirten Tittulars, auff der Kay. Mtt. vnd deren Erb Königreich vnd Landen, auch auß Steyr, Kärndten, vnd Crain, hohe vnd nidere Officier, Regiments Rath vnd Diener, so wol was auff den Hungerischen, Windischen vnd Crabatischen Gräntzen für Bischofen, Prelaten, Obristen, Hauptleuth, Rittmaister vnd andere Beuelchhabere verhanden, vnd wie sie mit Namen haissen. Zugleich was die Churfürsten vnd Fürsten, Gaistlich unn Weltlich, für statliche Fürsten, Graven, Herrn, vom Adel und andere, an ihren Höfen auff disem Reichstag bey sich gehabt. Vnd dann der Abwesenden Chur vnd Fürsten, auch Stendt des heiligen Röm. Reichs allher gesandte fürneme Räthe vnd Potschafften. Alles mit sonderm fleiß zusamb beschriben, durch Petern Fleischman von Puntzelwitz, auff Semelwitz, zu Jacobsdorff Erbsaß, Kay. May. Reichs Ehrenholdt
