In welchem sich Lucifer vber Jesum, darumb daß er ihm die Höllen zerstöhret, eingenommen, die Gefangene darauß erlöst, vnd hingegen ihn Lucifern gefangen vnnd gebunden habe, auff das allerhefftigste beklaget. Darinnen ein gantzer ordentlicher Proceß, von Anfang der Citation, biß auff das Endvrtheil inclusive, in ersten vnd anderer Instantz, darzu die Form, wie in Compromissen gehandelt wird, einverleibt; Auch allerley Schrifften, Gerichtsgebräuch, Iuramenta vnd Pflicht, Commissiones, Zeugenverhör, sampt allen andern Acten vnd Actitaten zu dem Proceß gehörig, in etliche vnterschiedliche Capita abgetheilet, vnd zu End angehörigen Rechtsgründen vnd Allegaten, begriffen, vnd zu finden seyn, dergleichen in Truck zuvor nie außgangen. Den Gerichtsschreibern, Procuratorn, Notarien, vnnd der Schreiberey Verwandten vberauß nützlich, dienstlich vnnd lieblich zu wissen. Auffs new vbersehen, mit mehrern Observationibus, ad Processum Cameralem gehörig augirt vnd verbessert